Ora ku un persona fayesé, tin hopi kos di hasi i kos di pensa pa sernan kerí. Banda di prosesá e fèrdrit, bo sernan kerí mester regla vários asuntu práktiko i aki e pregunta kiko e deseonan di e defuntu lo tabata ta hopi importante.

Tin un dicho ta bisa: Morto no ta respetá edat. Un dicho fuerte pero ku ta pone bo reflekshoná, paso ni hóben ni ansiano no sa kuantu tempu mas di bida nan tin. Ta p’esei mes ta importante pa nos regla nos kosnan for di trempan i asina kita e peso aki for di esnan ku ta keda atras, ku ya ta den nan doló i ku hopi kos na nan kabes. Di e manera aki bo por tin garantia tambe, ku maske bo no tei mas bo ta haña un entiero segun bo deseo. Pa nos di El Tributo ta un honor pa por asistí for di aworakí i tambe despues na i despues bo entiero, p’ asina esnan ku bo a bai laga tras, por keda ku un kurason trankil i liber di prekupashon.

Pèrdida di un ser kerí ta doloroso, ta p’esei nos ta haña importante pa abo dediká bo tempu pa trata ku e tristesa, miéntras ku nos
ta atendé tur e detayenan pa garantisá un despedida manera e defunto a deseá.